مسجد نبوی کے امور کی کمیٹی نے کورونا پابندیوں میں کمی لاتے ہوئے رواں سال رمضان میں اجتماعی افطاری کی اجازت دے دی ہے۔ البتہ اس دوران ایس اوپیز کا خیال رکھنا لازمی ہوگا۔
ماہرین کے مطابق اگر اجتماعی فاصلے کی پابندی برقرار رہی تو ایک دسترخوان پر زیادہ سے زیادہ 5 افراد کو بیٹھ کر افطاری کرنے کی اجازت ہوگی۔ اجتماعی فاصلے کی پابندی ختم ہونے کی صورت میں ایک دسترخوان پر 12 افراد افطاری کرسکیں گے۔
یاد رہے کہ کورونا وبا کی وجہ سے اجتماعی افطاری پر دو برس سے پابندی عائد تھی۔
واضح رہے کہ سعودی وزارت صحت کے مطابق کورونا کے 4211 نئے کیسز رپورٹ ہوئے کل اتوار کے مقابلے میں آج پیر کو کورونا کے مریضوں میں اضافہ دیکھنے کو ملا ہے ’گزشتہ روز 5162 مریض شفایاب ہوئے ہیں’4 مریض جاں بحق جبکہ 967 مریضوں کی حالت نازک ہے اور وہ مختلف ہسپتالوں میں زیر علاج ہیں۔
جبکہ سعودی عرب میں منگل یکم فروری 2022 سے پبلک ٹرانسپورٹ، سرکاری و نجی اداروں، تفریحاتی مراکز، سپورٹس سینٹرز، بازاروں اور مالز میں وہی کارکن، صارفین اور معاملات کی پیروی کرنے والے داخل ہوسکیں گے جو بوسٹر ڈوز لگواچکے ہوں گے اور توکلنا ایپ پر ان کی صحت کا ریکارڈ ’محصن‘ (امیون) درج ہوگا۔