نیشن نیوز کے مطابق ڈریپ کی جانب سے جاری کردہ نوٹیفکیشن کے مطابق اوور دی کاؤنٹر ٹیسٹنگ کٹ کی منظوری دے دی گئی ہے، جو ملک بھر کے میڈیکل سٹورز پر دستیاب ہو گی تاکہ لوگوں کو ہسپتالوں اور کووڈ-19 ٹیسٹنگ سینٹرز میں جانے سے راحت ملے۔
یہاں یہ بات قابل ذکر ہے کہ پاکستان میں گزشتہ 24 گھنٹوں کے دوران نوول کورونا وائرس سے 29 اموات ہوئی ہیں جس کے بعد مثبت کیسز کی تعداد 1,436,413 ہوگئی ہے۔ بدھ کے روز ملک بھر میں ہلاکتوں کی تعداد 29,330 ہو گئی ہے۔
نیشنل کمانڈ اینڈ آپریشن سینٹر (این سی او سی) کے تازہ ترین اعدادوشمار کے مطابق گزشتہ 24 گھنٹوں کے دوران 6,047 افراد میں کووِڈ 19 کا ٹیسٹ مثبت آیا ہے۔