سعودی عرب کے صوبے خمیس مشیت میں سعودی سیکیورٹی فورسز نے ایک یتیم خانے پر وحشیانہ حملہ کیا اور یتیم بچیوں کی وحشیانہ پٹائی کی۔
"عربی ۲۱" نیوز ویب سائٹ نے تصاویر شائع کیں اور لکھا: "سعودی عرب کی سیکیورٹی سروس نے امارات عسیر میں یتیم بچوں کے لیے ایک نگہداشت کے مرکز میں کچھ یتیم لڑکیوں کے ساتھ وحشیانہ حملہ کیا ہے۔ اس کے بعد ان لڑکیوں نے یتیم خانے میں اپنا حق مانگا۔"
سائبر سپیس استعمال کرنے والوں کا یہ بھی کہنا ہے کہ اس یتیم خانے میں کئی لڑکیوں کے اپنے حقوق مانگنے کے بعد سینٹر کی انتظامیہ کی درخواست پر سعودی سیکیورٹی فورسز اچانک مرکز میں داخل ہوئیں اور لڑکیوں کے ساتھ بدتمیزی کی۔ سعودی حکام نے اس خبر کی اشاعت تک اس کارروائی کے بارے میں تاحال کوئی وضاحت فراہم نہیں کی ہے۔
شائع ہونے والی تصاویر میں 20 کے قریب سعودی پولیس اور سیکیورٹی فورسز کو یتیم خانے میں لڑکیوں کی تلاش اور ان پر لاٹھیوں اور الیکٹرک شاکروں سے حملہ کرتے ہوئے دیکھا جاسکتا ہے۔
عربی 21 نیوز سائٹ نے بتایا کہ سعودی سیکورٹی فورسز نے متعدد لڑکیوں کو حراست میں لیا ہے۔ لیکن سعودی حکام نے ابھی تک اس کارروائی کی وجہ نہیں بتائی ہے اور نہ ہی ذمہ دار ادارے کا تعارف کرایا ہے۔
متعدد کارکنوں نے تصدیق کی کہ یتیم خانے کی بچیوں کے قانونی مطالبات ہیں اور ان مطالبات کو یتیم خانے کی انتظامیہ نے مسترد کر دیا جس کی وجہ سے لڑکیوں نے ہڑتال کر دی جس کے باعث یتیم خانے کے حکام نے سکیورٹی حکام سے مدد طلب کی۔