کراچی میں گلیڈی ایٹرز اور کنگز کے درمیان ایچ بی ایل پی ایس ایل 7 کا چوتھا میچ کھیلا گیا، جس میں گلیڈی ایٹرز نے ٹاس جیت پر کنگز کو پہلے بیٹنگ کی دعوت دی۔
کراچی کنگز اننگز کے شروع سے ہی گلیڈی ایٹرز کے گیند بازوں کا مقابلہ کرنے میں مشکلات کا شکار نظر آئے اور کپتان بابر اعظم کے علاوہ کوئی بھی بلے باز زیادہ دیر تک وکٹ پر رُک نہ سکا۔
کنگز ٹیم 113 پر ڈھیر ہوئی اور گلیڈی ایٹرز کو جیت کے لیے 114 کا ہدف دیا، جسے گلیڈی ایٹرز نے دو وکٹوں کے نقصان پر 15.5 اوورز میں ہی حاصل کرلی۔
اس سے قبل کھیلے جانے والے میچ میں ملتان سلطانز نے لاہور قلندرز کو سنسنی خیز مقابلے کے بعد پانچ وکٹوں سے شکست دے کر ایونٹ میں مسلسل دوسری فتح اپنے نام کی ہے۔
واضح رہے کہ اب تک کراچی کنگز اور کوئٹہ گلیڈی ایٹرز کو ایک ایک میچ میں شکست کا سامنا کرنا پڑا ہے، کراچی کنگز کو ملتان سلطانز جبکہ گلیڈی ایٹرز کو گزشتہ روز پشاور زلمی نے شکست دی تھی۔