الجزیرہ کے مطابق، آرمینیا کے دارالحکومت یریوان میں ایک ریٹیل مارکیٹ میں زور دار دھماکے کے بعد کم از کم ایک شخص ہلاک اور متعدد افراد کے ملبے میں پھنس جانے کا خدشہ ہے۔
یریوان کے میئر کے ترجمان لیون سرداریان نے ایسوسی ایٹڈ پریس نیوز ایجنسی کو بتایا کہ امدادی کارکن ملبے سے لوگوں کو نکالنے کے لیے کام کر رہے ہیں۔
یریوان میں مقیم ایک صحافی ماریا ٹیٹیزیان نے کہا کہ مارکیٹ کی عمارت گر کر تباہ ہو گئی ہے اور اب بھی جل رہی ہے۔ انہوں نے کہا کہ ہلاکتوں کے اعداد و شمار میں اضافہ متوقع ہے۔
انہوں نے کہا کہ "یہ دوپہر کے وقت بہت مصروف بازار ہے اور اسی وجہ سے اس وقت صحیح تعداد بتانا مشکل ہے۔"
"ہنگامی حالات سے متعلقہ وزارت کے مطابق، آتش بازی کا سامان وہاں سے شروع ہوا، ان کا خیال ہے کہ یہ دھماکوں کی وجہ تھی لیکن فی الحال اس کی تصدیق نہیں کی جا سکتی"۔