چین نے امریکی سازش کو بے نقاب کرتے ہوئے اسے جنگ کی دھمکی دی

نیویارک پوسٹ کے مطابق امریکہ میں چین کے سفیر کن گینگ نے کہا ہے کہ مسئلۂ تائیوان پر چین اور امریکہ میں جنگ کا خدشہ ہے۔ انہوں نے کہا کہ امریکہ کی طرف سے تائیوان کو آزادی حاصل کرنے کیلئے بھڑکایا جارہا ہے، اگر تائیوان کے حکام امریکہ کی اشاروں پر اسی طریقے کو اپنائے رہے تو عین ممکن ہے امریکہ اور چین میں فوجی جنگ ہوجائے۔

چینی سفیر نے وضاحت کی کہ چین کے امریکہ سے ڈیپلومیٹک رابطے بڑی اہمیت کے حامل ہیں۔ انہوں نے ایغور مسلم کمیونٹی کے قتل عام کے الزام کی بھی تردید کی۔ انہوں نے ان قسم کے الزامات کو اس صدی کا سب سے بڑا جھوٹ قرار دیا۔

دوسری طرف امریکی وزارت خارجہ نے بیان دیا جس میں کہا گیا کہ تائیوانی سرحد پر چینی فوجی سرگرمیاں باعث تشویش ہیں، یہ خطے کے امن اور استحکام کیلئے خطرناک ہے۔ امریکہ تائیوان کی حمایت میں ثابت قدم ہے اور وہ اس رابطے کو مزید مضبوط کر رہا ہے۔

یاد رہے کہ امریکہ کی ہاؤس فارن افیئرز کمیٹی کے ممبر مائیکل میکول نے تشویش ظاہر کی ہے کہ چین اپنے سرما اولمپکس کے اختتام کے بعد تائیوان پر حملہ کرنے والا ہے۔