تجربہ کار امریکی تجزیہ نگار ہنری کسنجر نے بیجنگ میں چینی وزیر دفاع سے ملاقات کی۔ چینی وزارت دفاع کی ایک رپورٹ کے مطابق، چین کے وزیر دفاع لی شانگ فو نے کہا کہ چین اور امریکہ کے درمیان "دوستانہ تعلقات" تباہ ہو چکے ہیں کیونکہ کچھ امریکی لوگ چین کو برابر کے شراکت دار کے طور پر نہیں دیکھتے ہیں۔
اس رپورٹ کے مطابق کسنجر نے خود کو چین کا دوست متعارف کیا اور کہا: امریکہ اور چین دونوں ایک دوسرے کو دشمن نہیں سمجھ سکتے۔
کسنجر کے اس چینی بیان میں کہا گیا: اگر دونوں ممالک جنگ کی طرف جاتے ہیں تو دونوں قوموں کے لیے کوئی بامعنی نتائج برآمد نہیں ہوں گے۔
100 سالہ سابق امریکی وزیر خارجہ کا چین کا اچانک دورہ اس وقت سامنے آیا ہے جب امریکی موسمیاتی ایلچی جان کیری بھی بیجنگ کا دورے پر ہیں۔
کسنجر کا دورہ، جسے عام نہیں کیا گیا، ملاقاتوں کی سرکاری فہرست سے ہٹ کر ہے۔ آج جولائی 1971 میں ان کے بیجنگ کے خفیہ دورے کو تقریباً 52 سال گزر چکے ہیں، جس میں اس وقت کے امریکی صدر رچرڈ نکسن کے لیے امریکا اور چین کے درمیان تعلقات کو معمول پر لانے کی راہ ہموار کی گئی تھی۔ نصف صدی سے زائد عرصے کے بعد، کسنجر کو بیجنگ میں اب بھی بہت سے لوگ "چین کا دوست" سمجھتے ہیں۔