اقوام متحدہ کے سیکرٹری جنرل کے بعد روس نے بھی غزہ کی پٹی میں اجتماعی قبروں کی تحقیقات کا مطالبہ کر دیا۔
اقوام متحدہ میں روس کے نمائندے "واسیلی نیبنزیا" نے اسرائیلیوں کے زمینی حملے کے بعد غزہ کی پٹی سے ملنے والی اجتماعی قبروں کی بین الاقوامی تحقیقات کی درخواست کی ہے۔
"اسپوتنک" خبر رساں ایجنسی کے مطابق، نیبنزیا نے اقوام متحدہ کی جنرل اسمبلی کے اجلاس میں کہا: "اس کے مجرموں کے خلاف قانونی کارروائی کے لیے ایک آزاد بین الاقوامی تحقیقات ضروری ہے۔"
قبل ازیں اقوام متحدہ کے سیکرٹری جنرل انتونیو گوٹیرس نے غزہ کی پٹی میں اجتماعی قبروں کی تحقیقات کے لیے فوری طور پر بین الاقوامی تفتیش کاروں کی تقرری کا مطالبہ کیا تھا تاکہ سینکڑوں فلسطینیوں کی ہلاکت کے حالات کا تعین کیا جا سکے۔