اسرائیلی آباد کاروں کا انسانی امدادی قافلوں پر حملہ ’شرمناک‘ ہے؛ جرمنی

 جرمن وزارت خارجہ نے غزہ جانے والے انسانی امداد کے قافلوں پر اسرائیلی آباد کاروں کے ٹارگٹ حملوں کو شرمناک قرار دیتے ہوئے اس کی شدید مذمت کی۔

 جرمن وزارت خارجہ نے اس بات پر زور دیا کہ "غزہ میں خوراک اور دیگر انسانی امداد کی اشیاء بھیجنے سے روکنا حماس کے خلاف لڑائی نہیں ہے اور اس سے یرغمالیوں کی رہائی میں مدد نہیں ملے گی بلکہ کشیدگی میں بھی اضافہ ہوگا۔"

 جرمن وزارت خارجہ نے مزید اسرائیلی آباد کاروں کی طرف سے غزہ کے عوام کو خوراک اور پانی سے محروم کرنے کی کوشش کو خود غرضی قرار دیا۔

 گزشتہ ہفتوں کے دوران اسرائیلی آباد کاروں نے بارہا انسانی امداد لے جانے والے قافلوں پر حملے کیے ہیں اور غزہ کے لوگوں کی ضروری اشیاء کی منتقلی کو روکا ہے۔

 یہ اس وقت ہے جب اسرائیلی حکومت نے کرم ابو سالم اور رفح کراسنگ کو بند کر کے غزہ کے لیے انسانی امداد کی ترسیل میں خلل ڈالا ہے اور آباد کاروں کے حملے سے غزہ کے لوگوں کی امداد میں معمولی رکاوٹ بھی آئی ہے۔