غزہ کے خلاف جنگ سے اسرائیل میں گھروں کی قیمت 55 فیصد گر گئی

 چین کی شنہوا نیوز ایجنسی کے مطابق غزہ جنگ کے جاری رہنے کی وجہ سے اکتوبر میں اسرائیل میں مکانات کی خرید و فروخت کے معاہدوں کی تعداد میں تیزی سے کمی آئی ہے۔

 اسرائیل کی وزارت خزانہ نے اعلان کیا ہے کہ اکتوبر میں اس حکومت میں مجموعی طور پر 2,294 نئے اور سیکنڈ ہینڈ اپارٹمنٹس فروخت کیے گئے جو کہ پچھلے سال کے اسی عرصے کے مقابلے میں 54.6 فیصد اور گزشتہ مہینے کے مقابلے میں 61 فیصد کمی کو ظاہر کرتا ہے۔

 ان اعدادوشمار کے مطابق اکتوبر میں مجموعی طور پر 1,477 سیکنڈ ہینڈ اپارٹمنٹس فروخت ہوئے جو کہ گزشتہ سال کی اسی مدت کے مقابلے میں 53.9 فیصد کمی کو ظاہر کرتا ہے۔

 ریسرچ میں بتایا گیا کہ یہ کمی پرانے اپارٹمنٹس کے لیے زیادہ تھی جن میں میزائل حملوں سے تحفظ کے لیے پناہ گاہیں نہیں ہیں۔

 اس ماہ اسرائیل میں نئے مکانات کی فروخت میں بھی گزشتہ سال کی اسی مدت کے مقابلے میں 56.4 فیصد اور ستمبر 2023 کے مقابلے میں 65.5 فیصد کمی واقع ہوئی۔

 اس کے مطابق اکتوبر میں فروخت ہونے والے مکانات کی تعداد اسرائیل میں 2000 کی دہائی کے اوائل کے بعد سب سے کم ہے۔