جنگ بندی کے مذاکرات رفح پر حملے کے لیے اسرائیل کا دھوکہ ہے؛ حماس

فلسطین کی اسلامی مزاحمتی تحریک (حماس) نے ایک بیان شائع کرکے اسرائیلی حکومت کی جانب سے جنگ بندی مذاکرات میں اس تحریک کی جانب سے دکھائی گئی نرمی کے غلط استعمال پر شدید تنقید کرتے ہوئے کہا ہے کہ اسرائیل کسی معاہدے کی تلاش میں نہیں ہے۔

 اس بیان میں کہا گیا ہے: ہم نے ثالثوں کی کوششوں کے بارے میں ذمہ دارانہ اور مثبت رویہ اپنایا اور ایک معاہدے کے حصول میں سہولت فراہم کرنے کے لیے لچک کا مظاہرہ کیا جو ایک مستقل جنگ بندی، غزہ کی پٹی سے دشمن کی افواج کے انخلاء اور واپسی کا باعث بنے۔ 

 "قدس" نیٹ ورک نے حماس کا حوالہ دیتے ہوئے اطلاع دی ہے کہ فلسطینی مزاحمت کار تمام فلسطینی قیدیوں کے مصائب اور درد کو ختم کرنے کے لیے ایک سنجیدہ اور حقیقی معاہدے کی تلاش میں ہے اور اسی وجہ سے اس نے ثالثوں کی حالیہ تجویز سے اتفاق کیا ہے۔

 اس فلسطینی تحریک نے اسرائیل کی جانب سے ثالثوں کی تجویز کو مسترد کیے جانے کی طرف اشارہ کرتے ہوئے تاکید کی کہ رفح پر دشمن کی فوج کے حملے اور حماس کے ثالثوں کی تجویز کے ساتھ معاہدے کے اعلان کے فوراً بعد کراسنگ پر براہ راست قبضے سے ثابت ہوتا ہے کہ اسرائیل اس بات پر آمادہ نہیں ہے۔ 

 اس بات پر زور دیتے ہوئے کہ نیتن یاہو اور ان کی انتہا پسند کابینہ مذاکرات کو رفح پر حملہ کرنے اور اس کے کراسنگ پر قبضے کے لیے استعمال کر رہی ہے، حماس نے اسرائیلی حکام کو معاہدے میں خلل کی وجہ قرار دیا۔