غزہ کے اسپتالوں میں صرف 2 دن کا ایندھن ہے؛ حماس

غزہ میں حماس حکومت کے انفارمیشن آفس کے ڈائریکٹر جنرل اسماعیل الثوابتہ نے اس جمعہ کو اعلان کیا کہ غزہ کی پٹی میں ہسپتال صرف دو دن میں کام جاری رکھ سکیں گے۔

 الثواباتہ نے اس مسئلہ کی وجہ اسرائیل کی طرف سے ایندھن کے داخلے میں رکاوٹ کو قرار دیا اور کہا: ہم رفح اور ابو سالم کراسنگ کو جلد از جلد کھولنے کا مطالبہ کرتے ہیں تاکہ ہم ایندھن کی درآمد کر سکیں۔

 انہوں نے المسیرہ نیوز چینل سے گفتگو کرتے ہوئے کہا: دشمن کے پاس جنگ کے آغاز سے علاج کے شعبے کو نشانہ بنانے کا مکمل منصوبہ ہے۔ اس طرح کہ 3 ہسپتال آپریشن سے باہر ہیں اور صرف دو ہسپتال فعال ہیں۔

 اس بات پر تاکید کرتے ہوئے کہ سینکڑوں بیماروں اور زخمیوں کی جان بچانے کے لیے ایندھن کی فراہمی ضروری ہے، حماس کے اس عہدیدار نے کہا: آبادکاری کے مراکز میں تقریباً 20 لاکھ بے گھر افراد ہیں جنہیں ابو سالم کراسنگ کے ذریعے امداد پہنچانے کی ضرورت ہے۔

 آخر میں الثوابتہ نے خبردار کیا کہ امداد کی بندش ایک حقیقی انسانی تباہی اور ایک گہرے بحران کا سبب بنی ہے جسے اسرائیل نے بڑے پیمانے پر قتل عام کے تناظر میں انجام دینا شروع کیا ہے۔