ایران کے شہر کرج میں ایک جیل کے سامنے درجنوں افراد نے مظاہرہ کیا، ان اطلاعات کے درمیان کہ ایران کے جاری مظاہروں سے منسلک مقدمات میں جلد ہی مزید دو افراد کو پھانسی دی جا سکتی ہے۔
آن لائن پوسٹ کی گئی متعدد ویڈیوز میں دکھایا گیا ہے کہ پیر کے اوائل میں تہران کے قریب کرج میں راجائی شہر جیل کے سامنے 22 سالہ محمد غبادلو اور 19 سالہ محمد بروغنی کی پھانسی کو روکنے کی کوشش میں ایک ہجوم جمع تھا۔
غبادلو کی والدہ کو ایک ویڈیو میں چیختے ہوئے دیکھا جا سکتا ہے دونوں افراد کے اہل خانہ بھی ہجوم میں شامل تھے۔ "میرا بچہ بیمار ہے، اس کے پاس میڈیکل فائل ہے، لیکن وہ قبول نہیں کرنا چاہتے"۔
واضح رہے کہ غبادلو اور بروغنی ملک میں دہشتگردانہ کارروائیوں میں ملوث تھے اور کئی پولیس اہلکاروں کو جان سے مار چکے یا چاقو اور دیگر اسلحے سے زخمی کرچکے ہیں۔ اور اپنے جرائم کا اقرار کرچکے ہیں جس کی ویڈیو انٹرنیٹ پر موجود ہے۔