چینی ہیکرز نے سرکاری ای میلز تک رسائی حاصل کی؛ مائکروسافٹ

 مائیکروسافٹ نے کہا ہے کہ چین سے منسلک ہیکرز نے سائبر جاسوسی مہم میں مغربی سرکاری ایجنسیوں اور تنظیموں کے ای میل اکاؤنٹس تک رسائی حاصل کی ہے۔

 وائٹ ہاؤس کے قومی سلامتی کے مشیر جیک سلیوان بدھ کے روز ان الزامات کی تصدیق کرتے ہوئے نظر آئے اور کہا کہ ریاستہائے متحدہ نے وفاقی حکومت کے اکاؤنٹس کی خلاف ورزی کا "کافی تیزی سے" پتہ لگایا ہے اور وہ اس معاملے کی تحقیقات کر رہا ہے۔

 لیکن چین نے ان الزامات کو مسترد کرتے ہوئے امریکہ کو "دنیا کا سب سے بڑا ہیکنگ ایمپائر اور عالمی سائبر چور" قرار دیا۔

 چینی وزارت خارجہ کے ترجمان وانگ وین بِن نے بدھ کو صحافیوں کو بتایا، ’’اب وقت آگیا ہے کہ امریکہ اپنی سائبر اٹیک سرگرمیوں کی وضاحت کرے اور عوام کی توجہ ہٹانے کے لیے غلط معلومات پھیلانا بند کرے۔‘‘