امریکی یونیورسٹیوں میں فلسطینیوں کے حق میں مظاہروں کے نئے دور کے آغاز کے بعد گزشتہ چند دنوں کے دوران ریاست کیلیفورنیا کی یونیورسٹیوں میں مختلف طلبہ تحریکوں کی جانب سے دیگر احتجاجی اجتماعات کا انعقاد کیا گیا۔
لاس اینجلس ٹائمز کے مطابق یونیورسٹی آف کیلی فورنیا، برکلے میں احتجاجی طلباء نے کیمپس میں درجنوں خیمے لگائے اور یونیورسٹی سے کہا کہ وہ غزہ میں اسرائیلی حکومت کی جنگ سے متعلق اسلحہ ساز کمپنیوں کی سرگرمیوں میں کسی قسم کی سرمایہ کاری ترک کرے۔
منعقد ہونے والے مظاہروں نے امریکی پولیس فورسز اور طلباء کو ایک دوسرے کے خلاف کھڑا کر دیا ہے اور فلسطین میں غزہ جنگ کے تسلسل کے دوران یہود دشمنی کو تیز کرنے کے عمل میں اضافہ کیا ہے۔
اس حوالے سے کیلیفورنیا کے شہر ہمبولڈ میں ایک اور یونیورسٹی کے حکام نے یونیورسٹی کی کلاسز عارضی طور پر بند کر دی ہیں اور کہا ہے کہ موجودہ حالات میں کلاسز آن لائن ہو رہی ہیں۔ یہ کارروائی طلبہ کے احتجاجی اجتماعات کے زیر اثر کی گئی۔