شام میں عراقی سرحد کے قریب ایران نواز قافلے پر فضائی حملے ہوئے

الجزیرہ کے مطابق ایران کے سرکاری ٹیلی ویژن اور عراقی نیم فوجی افسروں نے کہا ہے کہ فضائی حملے مشرقی شام میں عراقی سرحد کے ساتھ ہوئے ہیں، جس میں ایران کے حمایت یافتہ جنگجوؤں کو نشانہ بنایا گیا ہے اور جانی نقصان ہوا ہے۔

 ہلاکتوں کی تعداد کی تصدیق نہیں کی گئی ہے لیکن دو عراقی نیم فوجی افسران کے مطابق منگل کو دیر گئے حملے میں ہلاک ہونے والوں میں سے کچھ ایرانی شہری تھے۔  

برطانیہ میں قائم سیریئن آبزرویٹری فار ہیومن رائٹس نے بتایا کہ ان حملوں میں کم از کم 14 افراد ہلاک ہوئے، جن میں زیادہ تر جنگجو تھے۔

 ابھی تک یہ واضح نہیں ہے کہ اس حملے کے پیچھے کس کا ہاتھ تھا لیکن امریکی فوج ماضی میں بھی ایسے ہی حملے کر چکی ہے۔