اسرائیلی فورسز نے اعلان کیا ہے کہ وہ شمالی غزہ میں زمینی حملوں میں"توسیع" کر رہے ہیں اور محاصرہ شدہ انکلیو کو جنگ کے آغاز کے بعد سے اسرائیلی حملوں کی سب سے بڑی بمباری کا سامنا ہے۔
غزہ کی پٹی پر حکومت کرنے والی حماس نے رات بھر کی زمینی کارروائیوں کے جواب میں "مکمل طاقت" کے ساتھ حملوں کا مقابلہ کرنے کا وعدہ کیا ہے، اسرائیلی فوج کا کہنا ہے کہ اس کے فوجی ہفتے کی صبح بھی میدان میں تھے۔
اسرائیلی فوجیوں نے بدھ اور جمعرات کی درمیانی شب کو ٹینکس کے ذریعے غزہ میں مختصر دراندازی کا آغاز کیا لیکن یہ تیسرا اور سب سے بڑا حملہ ان کی زمینی حملوں میں اضافے کی نشاندہی کرتا ہے۔ غزہ سول ڈیفنس نے بتایا کہ بمباری نے رات بھر سینکڑوں عمارتیں اور مکانات کو مکمل طور پر تباہ کر دیا۔
اسرائیلی وزیر دفاع یوو گیلنٹ نے ہفتے کے روز ایک ویڈیو بیان میں کہا، ’’ہم نے زمین کے اوپر اور زیر زمین حملہ کیا، ہم نے تمام صفوں کے دہشت گردوں پر ہر جگہ حملہ کیا۔‘‘ فورسز کے لیے ہدایات واضح ہیں: نئے حکم تک آپریشن جاری رہے گا۔