یمن سے بحیرہ احمر میں دو بیلسٹک میزائل داغے گئے؛ سینٹ کام

 امریکی سینٹرل کمانڈ نے منگل کو رات گئے دعویٰ کیا کہ یمنیوں نے بحیرہ احمر کے جنوبی حصے کی طرف دو اینٹی شپ بیلسٹک میزائل داغے، جس سے کوئی نقصان نہیں ہوا۔

 سینٹ کام نے مزید کہا کہ اس علاقے میں کئی تجارتی جہازوں نے اپنے اردگرد کے پانیوں میں میزائلوں کے مارنے کی اطلاع دی۔

 سینٹ کام کے بیان سے پہلے، برطانوی میری ٹائم ٹریڈ آپریشنز ڈیپارٹمنٹ نے تین دھماکوں کی اطلاع دی، ایک تجارتی جہاز کے پانچ سمندری میل کے فاصلے پر آبنائے باب المندب میں، جو عصب اریٹیریا شہر سے 33 ناٹیکل میل مشرق میں تھا، اور کہا کہ کوئی نقصان نہیں ہوا۔

 حالیہ ہفتوں میں، غزہ میں اسرائیل کے حملوں میں شدت کے متوازی، یمنی فوج نے اسرائیلی بحری جہازوں یا بحری جہازوں پر میدان تنگ کر دیا ہے جو مقبوضہ علاقوں کے لیے روانہ ہوتے ہیں اور بحیرہ احمر میں آبنائے باب المندب سے گزرنے کا ارادہ رکھتے ہیں۔

 بحیرہ احمر میں یمنی فوج کے حملے 19 نومبر سے شروع ہوئے تھے اور تحریک انصار اللہ نے اعلان کیا ہے کہ جب تک غزہ میں اسرائیلی حملے بند نہیں ہوتے وہ جاری رہے گی۔ امریکی، برطانوی اور فرانسیسی بحری افواج نے یمن سے فائر کیے گئے ڈرون یا میزائلوں کو مار گرانے کا دعویٰ کیا ہے۔