یمن کی مسلح افواج کے ترجمان بریگیڈیئر جنرل یحیی سریع نے آج پیر کی شام اعلان کیا ہے کہ یمنی فوج نے ایک فوجی آپریشن کے دوران خلیج عدن میں امریکہ سے تعلق رکھنے والے ایک بحری جہاز کو نشانہ بنایا۔
المسیرہ نیوز چینل نے سریع کے حوالے سے رپورٹ دی ہے کہ یہ کارروائی کئی سمندری میزائلوں سے کی گئی اور ہدف کو براہ راست اور درست طریقے سے نشانہ بنایا۔
چند گھنٹے قبل الجزیرہ نیوز چینل نے یمن کے ایک فوجی ذریعے کے حوالے سے خبر دی تھی کہ انصار اللہ کی فورسز نے بحیرہ احمر میں ایک بحری جہاز کو نشانہ بنایا جو مقبوضہ فلسطین جانے والا تھا۔
اس ذریعے نے کہا کہ جہاز کے عملے نے یمنی فورسز کی وارننگ پر توجہ نہیں دی اور اسی وجہ سے اس جہاز کو نشانہ بنایا گیا۔
یمنی مسلح افواج کے ترجمان نے بھی خبردار کیا: ہم ان تمام امریکی اور برطانوی جنگی جہازوں کو جنہوں نے ہمارے ملک پر حملے میں حصہ لیا ان کو دشمن اہداف سمجھتے ہیں جو ہماری افواج کے ٹارگٹ بینک میں ہیں۔