روس نے یوکرین کی جانب سے روسی طیارہ مار گرائے جانے کی تصدیق کر دی

 روسی وزارت خارجہ نے L-76 ملٹری ٹرانسپورٹ طیارے کو گرائے جانے پر ردعمل ظاہر کیا جو یوکرائنی قیدیوں کو تبادلے کے لیے بیلگوروڈ کے علاقے میں لے جا رہا تھا۔ 

 اس سے قبل ایک روسی قانون ساز نے کہا تھا کہ یوکرین کی فوج اس طیارے کو مار گرانے کی ذمہ دار ہے اور یہ کارروائی روس کے خلاف یوکرین میں بھیجے گئے امریکی یا جرمن میزائلوں کو استعمال کرتے ہوئے کی گئی۔

 چند گھنٹے قبل روس کی وزارت دفاع نے یوکرائن کی سرحد سے متصل بیلگوروڈ کے علاقے میں یوکرینی قیدیوں کو لے جانے والے فوجی ٹرانسپورٹ طیارے کے گر کر تباہ ہونے کا اعلان کیا تھا۔ سپوتنک نے وزارت کا حوالہ دیتے ہوئے اطلاع دی ہے کہ 65 گرفتار یوکرین کے فوجی اہلکار مذکورہ طیارے میں سوار تھے اور انہیں تبادلہ کے لیے بیلگوروڈ کے علاقے میں منتقل کیا جا رہا ہے۔ اس رپورٹ کے مطابق اس طیارے میں عملے کے چھ ارکان اور تین دیگر افراد بھی تھے۔