آئی ایم ایف نے پاکستان کو 3 ارب ڈالر قرض پروگرام منظور کرلیا؛ پاکستانی حکام کی رال ٹپکنے لگی

انٹرنیشنل مانیٹری فنڈ کا کہنا ہے کہ پاکستان کو طے شدہ پالیسیوں پر سختی سے کار بند رہنا ہوگا، پاکستان میں معاشی اصلاحاتی پروگرام معیشت کو فوری سہارا دینے کیلئے ہے، پروگرام سے پاکستان کو معشیت کے اندرونی اور بیرونی عدم توازن دور کرنے میں مدد ملے گی۔

آئی ایم ایف کا کہنا ہے کہ پاکستان کو فوری طور پر 1 ارب 20 کروڑ ڈالر دیے جائیں گے۔

پاکستان کیلئے تین ارب ڈالر قرض کی منظوری کیلئے عالمی مالیاتی ادارے آئی ایم ایف بورڈ کے اجلاس میں منظوری دی گئی ہے۔

اس سے قبل وزیراعظم شہباز شریف نے امید کا اظہار کرتے ہوئے کہا تھا کہ ایگزیکٹو بورڈ پاکستان کا پروگرام منظور کر لے گا۔

شہباز شریف کا یہ بھی کہنا تھا کہ چین نے پانچ ارب ڈالر فراہم کیے، سعودی عرب سے ملنے والے دو ارب ڈالرز آرمی چیف جنرل عاصم منیر کی کوششوں سے آئے ہیں۔