سندھ میں موسم گرما کی تعطیلات یکم جون سے 31 جولائی تک ہوں گی

اجلاس میں ایلیمنٹری کلاسز (گریڈ 4-8) کے سالانہ امتحانات 2 مئی سے منعقد کرنے پر اتفاق کیا گیا جبکہ سیکنڈری سکول سرٹیفکیٹ (میٹرک) کے امتحانات 17 مئی سے شروع ہوں گے۔ امتحانات کے نتائج کا اعلان 17 جولائی کو کیا جائے گا۔ پرچے 40% MCQs اور 60% تفصیلی سوالات پر مشتمل ہوں گے۔

 اسٹیئرنگ کمیٹی نے یکم جون سے 31 جولائی تک اسکولوں میں موسم گرما کی تعطیلات منانے کا بھی فیصلہ کیا۔ دریں اثنا ہائیر سیکنڈری اسکولوں میں یکم سے 31 جولائی تک داخلے کھلیں گے۔

 اجلاس میں انٹرمیڈیٹ کے امتحانات 15 جون سے منعقد کرنے پر اتفاق کیا گیا۔

 اجلاس میں فیصلہ کیا گیا کہ تعلیمی اداروں میں 22 سے 31 دسمبر تک موسم سرما کی تعطیلات ہوں گی۔