روسی پارلیمان نے مسلح افواج کو بیرون ملک استعمال کرنے کے لیے گرین سگنل دے دیا

علاقائی مسائل پر ماسکو اور کیف کے درمیان بڑھتی ہوئی کشیدگی اور پوٹن انتظامیہ کی طرف سے مشرقی یوکرین کے دو خطوں کو آزاد اقوام کے طور پر تسلیم کرنے کے اثناء میں، روسی پارلیمنٹ کے ایوان بالا، فیڈریشن کونسل نے مسلح افواج کو بیرون ملک استعمال کرنے کے لیے گرین سگنل دے دیا ہے۔

 سینیٹر اینڈری کلیشاس نے کہا کہ یہ فیصلہ تمام 153 سینیٹرز نے متفقہ طور پر کیا ہے، فوری طور پر نافذ العمل ہو جائے گا۔

 یاد رہے کہ روسی قانون کے مطابق، اگر فیڈریشن کونسل اس کی منظوری دے مسلح افواج کو ہنگامی صورت حال میں صرف چند استثناء کے ساتھ، اس کی سرزمین سے باہر استعمال کیا جا سکتا ہے۔

 فیڈریشن کونسل ویلنٹینا ماتویینکو نے کہا کہ سینیٹرز توقع کرتے ہیں کہ مسلح افواج کو ڈونیٹسک اور لوگانسک عوامی جمہوریہ میں امن مشن میں استعمال کیا جا رہا ہے۔

واضح رہے کہ 21 فروری کو، روسی صدر ولادیمیر پوٹن نے یوکرین کے دو الگ ہونے والے مشرقی علاقوں -ڈونیٹسک اور لوگانسک عوامی جمہوریہ کو آزاد اقوام کے طور پر تسلیم کیا۔

 روسیوں کا موقف ہے کہ یوکرین منسک معاہدوں اور پروٹوکولز کے مطابق ان کے ساتھ امن قائم کرنے میں ناکام رہا ہے۔