اسرائیلی وزیر جنگ: حماس کو تباہ کرنا آسان نہیں

 اسرائیل کی وزارت جنگ نے ایک بیان میں کہا ہے کہ اس حکومت کے جنگی وزیر یوو گیلنٹ نے وائٹ ہاؤس کے قومی سلامتی کے مشیر جیک سلیوان کے ساتھ بات چیت میں یہ تسلیم کرتے ہوئے کہ حماس کو تباہ کرنا آسان نہیں ہے، انہیں بتایا کہ غزہ میں حماس کے خلاف جنگ "چند ماہ سے زیادہ" چلے گی۔

 اس سے قبل اسرائیلی میڈیا نے اطلاع دی تھی کہ مقبوضہ فلسطین کا دورہ کرنے والے وائٹ ہاؤس کے قومی سلامتی کے مشیر "جیک سلیوان" نے اسرائیل کے وزیر اعظم "بنجمن نیتن یاہو" اور ان کی سیکیورٹی کابینہ سے ملاقات کی۔

 بینجمن نیتن یاہو نے بدھ کے روز کہا کہ غزہ میں شہریوں کی ہلاکتوں میں اضافے کے بارے میں بین الاقوامی انتباہات کے باوجود اسرائیل کو کچھ نہیں روک سکے گا۔

 این بی سی نیوز ویب سائٹ کی رپورٹ کے مطابق نیتن یاہو نے بدھ کی شام اسرائیلی فوجیوں کے ایک اجتماع میں ایک بیان میں دعویٰ کیا کہ اسرائیلی فوج فیصلہ کن فتح حاصل کرنے تک جنگ جاری رکھے گی۔

 نیتن یاہو نے کہا: ہم آخر تک کام جاری رکھیں گے۔ جب تک ہم جیتیں گے۔بڑے مصائب کے باوجود اور بین الاقوامی دباؤ کے باوجود ہمیں کوئی چیز نہیں روکے گی۔

 سی این این کے مطابق، گیلنٹ نے جمعرات کو کہا: "حماس ایک دہشت گرد تنظیم ہے جس نے اسرائیل سے جنگ کے لیے گزشتہ دہائی کے دوران خود کو مضبوط کیا ہے۔ "انہوں نے زیر زمین اور زمین سے اوپر تنظیمیں بنانا شروع کر دی ہیں اور انہیں تباہ کرنا آسان نہیں ہے۔"