اسرائیلی فوج نے ان معصوم بچوں کو اتوار کی رات غزہ کے شمال میں جبلیہ کے علاقے میں نیند کی حالت میں شہید کیا۔
73ویں دن بھی اسرائیلی جرائم جاری رکھے ہوئے ہیں، امریکہ اسرائیل کو ہتھیار اور بم فراہم کرتا ہے اور یورپی یونین پوری طرح اسرائیل کے پیچھے کھڑا ہے۔
فلسطینی میڈیا نے بتایا ہے کہ شمالی غزہ میں جبلیہ پناہ گزین کیمپ پر اسرائیل کے حالیہ حملوں میں کم از کم 90 افراد ہلاک اور 100 سے زائد زخمی ہوئے ہیں۔
فلسطینی خبر رساں ایجنسی وفا کے مطابق شہید ہونے والوں میں خواتین اور بچے بھی شامل ہیں اور درجنوں افراد تاحال لاپتہ ہیں۔ یہ حملے اتوار (17 دسمبر) کو کیے گئے۔
اس رپورٹ کے مطابق بچوں سمیت متعدد زخمیوں کو قریبی طبی مراکز میں منتقل کیا گیا ہے جو اس وقت زخمیوں اور بیماروں سے بھرے پڑے ہیں۔
خبر رساں ادارے روئٹرز نے فلسطینی اسلامی جہاد گروپ کے ایک اہلکار کے حوالے سے لکھا ہے کہ اس گروپ کے ترجمان داؤد شہاب کا بیٹا بھی شہید ہونے والوں میں شامل ہے۔