تحریک حماس کو مکمل طور پر تباہ کرنا ناممکن ہے؛ امریکی وزیر خارجہ

  اسرائیل کے چینل 13 نے اسرائیلی حکام کے حوالے سے خبر دی ہے کہ امریکی وزیر خارجہ انتھونی بلنکن نے اسرائیلی جنگی کابینہ سے ملاقات کے دوران اس بات پر زور دیا کہ فلسطینیوں کے کچھ خواب ہیں اور انہیں قبول کیا جانا چاہیے۔

 چینل 13 کی رپورٹ کے مطابق صیہونی حکومت کی کابینہ کے بعض ارکان کے ساتھ بلنکن کی ملاقات میں کشیدگی بھی تھی۔

 چینل 13 نے اپنی رپورٹ کے تسلسل میں بتایا کہ بلنکن نے اسرائیلی جنگی کابینہ کے اجلاس میں اس بات پر زور دیا کہ حماس کو مکمل طور پر تباہ کرنا ناممکن ہے۔

 گزشتہ ہفتوں کے دوران اسرائیل کے حکام نے بارہا دعویٰ کیا ہے کہ غزہ کی جنگ میں ان کا ہدف حماس کو تباہ کرنا ہے لیکن مختلف ممالک کے حکام نے اس بات پر زور دیا ہے کہ حماس ایک نظریہ ہے اور اس کے کسی نظریے کو تباہ کرنا ناممکن ہے۔

 چند روز قبل امریکی وزارت خارجہ کے ترجمان نے کہا تھا: ’’میدان جنگ میں کسی خیال کو تباہ نہیں کیا جا سکتا اور جنگ کے اختتام پر فلسطینی قوم کے مطالبات کا مثبت جواب دینا چاہیے۔‘‘