جرمن وزارت خارجہ نے اردن میں امریکی فوجی اڈے پر گزشتہ رات ہونے والے ڈرون حملے کی مذمت کرتے ہوئے ردعمل ظاہر کیا ہے جس میں کم از کم تین امریکی فوجی ہلاک ہوئے تھے۔
جرمن وزارت خارجہ نے اپنے موقف میں کہا کہ "ہم ایران سے منسلک ملیشیا کے حملوں کی شدید مذمت کرتے ہیں جو امریکی فوجیوں کی ہلاکت کا باعث بنے۔"
اس بیان میں جرمنی نے ایران سے کہا کہ وہ "خطے میں اپنا اثر و رسوخ استعمال کرتے ہوئے کشیدگی کم کرے۔"
امریکی فوجی حکام نے اتوار کی شب تہران وقت کے مطابق کہا کہ اردن میں ایک امریکی اڈے پر رات گئے ڈرون حملے میں اس ملک کے تین فوجی ہلاک اور کم از کم 34 فوجی اہلکار زخمی ہو گئے۔
واضح رہے کہ سینٹ کوم (امریکی سینٹرل کمانڈ) نے اتوار کی رات ایک بیان میں تصدیق کی کہ شمال مشرقی اردن میں ٹاور 22 نامی بیس پر ڈرون حملے میں تین فوجی ہلاک اور 30 سے زائد فوجی اہلکار زخمی ہوئے۔