غزہ جنگ بندی مذاکرات اتوار کو قاہرہ میں شروع ہوں گے

مصر کے دو سیکورٹی ذرائع نے آج (ہفتہ) کو اعلان کیا ہے کہ غزہ جنگ بندی مذاکرات کل (اتوار) کو "قاہرہ" میں دوبارہ شروع ہونے جا رہے ہیں۔

 خبر رساں ادارے روئٹرز کے مطابق مصر کے باخبر ذرائع کا کہنا ہے کہ مذاکراتی فریقین جنگ بندی کی مدت اور قیدیوں کی رہائی پر متفق ہو گئے ہیں تاہم جنگ بندی کے معاہدے کو حتمی شکل دینے کے لیے ابھی بھی اسرائیل کے فوجیوں کے انخلاء سے متعلق معاہدے کی ضرورت ہے۔

 اس سے قبل عبرانی زبان کے چینل "کان" نے مصری ذرائع کے حوالے سے خبر دی تھی کہ اسرائیل کے ایک وفد نے غزہ جنگ بندی پر بات چیت کے لیے آج (ہفتہ) مصر کے دارالحکومت کا سفر کیا۔