تل ابیب میں ہزاروں اسرائیلی مظاہرین نے نیتن یاہو کی برطرفی کا مطالبہ کیا

  اسرائیلی میڈیا نے اطلاع دی ہے کہ اسرائیل کے ہزاروں باشندوں نے ہفتے کے روز تل ابیب میں ایک زبردست مظاہرہ کیا۔

 اس مظاہرے میں مظاہرین نے اسرائیلی وزیراعظم بنجمن نیتن یاہو کی برطرفی اور قبل از وقت انتخابات کے انعقاد کا مطالبہ کیا۔

 یہ مظاہرہ اس وقت کیا جا رہا ہے جب فلسطینی مزاحمتی قیادت کے ایک باخبر ذریعے نے آج اعلان کیا ہے کہ حماس کا ایک وفد جلد ہی قاہرہ جائے گا اور وفد کے مصر پہنچنے کے بعد غزہ میں جنگ بندی کے حوالے سے مذاکرات دوبارہ شروع ہوں گے۔

 المیادین نیٹ ورک کو دیے گئے ایک انٹرویو میں اس ذریعے نے غزہ میں جنگ بندی کے لیے مصری اور قطری ثالثوں کے خلاف امریکا کے دباؤ کی تصدیق کی اور کہا کہ متعدد بار جنگ بندی کے مذاکرات کی ناکامی کے باوجود یہ عمل جاری رہے گا۔