اسرائیل کے لیے ہمارے انسانی حقوق کے معیار دوسروں سے الگ نہیں؛ بلنکن

 بلنکن کے یہ بیانات ایک ایسے وقت میں دیے گئے ہیں جب غزہ جنگ میں امریکہ کی اسرائیل کی حمایت نے بہت سے امریکہ نواز ماہرین کو ان اقدار کی صداقت پر شک بھی کر دیا ہے جن کی حمایت کا واشنگٹن دعویٰ کرتا ہے۔

 بلنکن نے پیر کو دعویٰ کیا کہ امریکہ اسرائیل کی طرف سے انسانی حقوق کی خلاف ورزیوں کے الزامات کی تحقیقات کے لیے مسلسل کوششیں کر رہا ہے۔

 دریں اثنا، آج امریکی محکمہ خارجہ نے ایک رپورٹ شائع کی ہے جس میں اعتراف کیا گیا ہے کہ اسرائیل کی جنگ نے مقبوضہ فلسطین میں انسانی حقوق کی صورت حال پر "نمایاں منفی اثرات" مرتب کیے ہیں۔

 اسرائیل کے لیے امریکہ کی حمایت صرف غزہ جنگ تک محدود نہیں ہے اور اس کی ایک طویل تاریخ ہے۔ مثال کے طور پر گزشتہ سال امریکہ نے ایک فلسطینی نژاد امریکی صحافی کے قتل کے معاملے میں اسرائیل سے رپورٹ جاری کی تھی۔

 اس رپورٹ میں امریکی وزارت خارجہ نے اس بات کا اعتراف کرنے کے باوجود کہ صیہونی حکومت کی فوج کے ٹھکانوں سے "شیرین ابو عقیلہ" کی طرف گولی چلائی گئی تھی، اس جرم کی جہت کو کم کرنے اور اسرائیل کو بری الذمہ قرار دینے پر تمام تر توجہ مرکوز کی ہے۔