الاقصیٰ بریگیڈز کے ترجمان نے ایک اہم خطاب میں اس بات پر زور دیا کہ اسرائیلی حکومت کے ٹھکانوں پر فلسطینی فوج کے حملے میں اسرائیلی فوج کے تمام عناصر جنگی ساز و سامان سمیت ہلاک یا پکڑے گئے ہیں۔ ہمارے جنگجو زمینی جنگ میں داخل ہونے کے لیے تیار ہیں۔ دشمن فلسطینی افواج سے آمنے سامنے جنگ لڑنے کی ہمت نہیں رکھتا اور اسی وجہ سے وہ خواتین اور بچوں کے سروں پر آسمان سے بم گراتے ہیں۔
انہوں نے اپنے تاریخی بیان میں مزید کہا: مسجد اقصیٰ کے خلاف اسرائیلیوں کی جارحیت اپنے عروج پر پہنچنے کے بعد دشمن نے سوچا کہ مسجد الاقصی کو فلسطینیوں کے لیے بند کر کے اور مذہبی جنگ شروع کرنے والے آباد کاروں کی لگام چھڑوا کر مسجد اقصیٰ کی حرمت کی خلاف ورزی کی ہے اور پیغمبر اسلام (ص) کی توہین کی ہے، وہ اپنے جرائم کی قیمت ادا کرنے سے نہیں بچ سکتے ہیں۔
الاقصیٰ بریگیڈز کے ترجمان نے کہا: ہم اس بات پر زور دیتے ہیں کہ ہم اسرائیلی دشمن کے ساتھ ایک طویل اور جامع جنگ کے لیے تیار ہیں۔ ہم نے سامان اور سہولیات فراہم کی ہیں اور کسی بھی صورت حال کے لیے تیار ہیں۔ ہم خواتین، بچوں اور اپنی سرزمین کا دفاع کریں گے۔ ہم اس بات پر مصرّ ہیں کہ بمباری اور گولہ باری کے تحت ہم اسرائیلی دشمن کے ساتھ قیدیوں کے بارے میں بالواسطہ یا بلاواسطہ مذاکرات نہیں کریں گے، جن کی تعداد بہت زیادہ ہے۔