بیلجیئم کی وزیر دفاع لڈوین ڈیڈونڈور نے جمعرات کے روز ایک بار پھر غزہ کی پٹی میں حالات کی خرابی پر تشویش کا اظہار کیا۔
الجزیرہ نیوز چینل کو انٹرویو دیتے ہوئے انہوں نے بحیرہ احمر میں یورپی اتحاد میں ملک کی شرکت کے بارے میں کہا: "یورپی آپریشنز میں شرکت کے ہمارے فیصلے کا مقصد بحیرہ احمر میں تجارتی بحری جہازوں کی مدد کرنا ہے۔"
بیلجیئم کے وزیر دفاع نے اپنے انٹرویو کے تسلسل میں کہا: "غزہ میں جنگ بندی قائم کی جانی چاہیے، تشدد کو کم کیا جانا چاہیے اور اس پٹی میں شہریوں کو تحفظ فراہم کیا جانا چاہیے۔"
غزہ کی پٹی میں اسرائیل کے جرائم کا سلسلہ جاری ہے اور فلسطین کی وزارت صحت نے جمعرات کو اعلان کیا ہے کہ صیہونی حکومت نے گزشتہ 24 گھنٹوں کے دوران 9 نئے جرائم کا ارتکاب کیا ہے جس کے دوران کم از کم 87 افراد شہید اور 104 زخمی ہوئے ہیں، اور اب بھی کئی متاثرین ملبے تلے دبے ہوئے ہیں جنہیں ہسپتال منتقل کیا جا رہا ہے۔