چوبیس امریکی اہلکار اور شہری ایران کی بلیک لسٹ میں شامل

 ہفتے کے روز، ایرانی وزارت خارجہ نے اعلان کیا کہ اس نے نو افراد کو "دہشت گردانہ کارروائیوں میں ملوث ہونے" کا نشانہ بنایا ہے۔

 ان میں، جارج ڈبلیو کیسی جونیئر، امریکی فوج کے سابق چیف آف اسٹاف اور عراق میں ملٹی نیشنل فورسز کے کمانڈنگ جنرل شامل ہیں۔  

ان جے علاوہ جوزف ووٹل، امریکہ کی مرکزی کمان کے سابق کمانڈر؛ ڈونلڈ ٹرمپ کے سابق اٹارنی، روڈی گیولانی؛ اور فلسطین اور لبنان میں کئی موجودہ اور سابق امریکی سفارت کار بھی شامل ہیں۔

ایرانی وزارت خارجہ نے انسانی حقوق کی سنگین خلاف ورزیوں پر 15 افراد کو بلیک لسٹ بھی کیا۔

 اس فہرست میں بنیادی طور پر وہ لوگ شامل ہیں جنہوں نے ٹرمپ اور اوباما انتظامیہ کے دوران ایران پر امریکی پابندیاں عائد کرنے اور سزا دینے میں مدد کی۔

 ٹریژری ڈیپارٹمنٹ کے کئی سابق افسران اور ڈیٹا اینالسز اور کنسلٹنسی فرم کے کئی اعلیٰ افسران کو بھی بلیک لسٹ کر دیا گیا۔

وزارت خارجہ کے بیان میں کہا گیا ہے: اسلامی جمہوریہ ایران اس بات کا اعادہ کرتا ہے کہ یکطرفہ جبری اقدامات کا اعلان اور ان کا اطلاق اقوام متحدہ کے چارٹر میں بیان کردہ بین الاقوامی قانون کے بنیادی اصولوں کی سراسر خلاف ورزی اور بین الاقوامی قانون کی صریح خلاف ورزی اور انسانی حقوق کے حصول میں رکاوٹ ہے۔