مشرقی یوکرین میں روسی فضائی حملے کے بعد جلے ہوئے اسکول کے ملبے میں کم از کم 60 افراد لاپتہ ہیں اور ان کی ہلاکت کا خدشہ ہے۔
لوہانسک کے علاقے کے گورنر سیرحی ہیدائی نے اتوار کے روز کہا کہ روسی فورسز کی جانب سے اسکول پر بم گرائے جانے کے بعد دو افراد کی ہلاکت کی تصدیق ہوئی ہے، اور 30 شہریوں کو ملبے سے نکالا گیا ہے۔
ہائیڈائی نے بتایا کہ تقریباً 90 لوگ بلوہوریوکا گاؤں کے اسکول میں پناہ لیے ہوئے تھے اور ہفتے کے روز ہونے والے حملے کے بعد لگنے والی آگ نے عمارت کو لپیٹ میں لے لیا۔
ہیدائی نے ٹیلی گرام میسجنگ ایپ پر لکھا: "آگ لگ بھگ چار گھنٹے کے بعد بجھا دی گئی، پھر ملبہ صاف کیا گیا اور بدقسمتی سے دو لوگوں کی لاشیں مل گئیں" ۔
ان کا کہنا تھا کہ"تیس افراد کو ملبے سے نکالا گیا، جن میں سے سات زخمی ہوئے۔ عمارتوں کے ملبے تلے دب کر ساٹھ افراد کے ہلاک ہونے کا خدشہ ہے۔
لوہانسک فوجی انتظامیہ کی طرف سے جاری کردہ ویڈیو میں عمارت کے جلتے ہوئے کھنڈرات کے درمیان ہنگامی خدمات کے اہلکاروں کو دکھایا گیا ہے۔