پیر کو مظاہرین نے افغان شہر ہرات میں ایران کے قونصل خانے پر پتھراؤ کیا۔ طالبان کی سیکیورٹی فورسز کی جانب سے وارننگ گولیاں چلانے کے بعد منتشر ہونے سے پہلے مظاہرین نے مبینہ طور پر سیکیورٹی کیمرے توڑ دیے اور ایرانی پرچم کو جلا دیا۔
دوسری طرف افغانستان کے دارالحکومت کابل میں مشتعل مظاہرین نے ایرانی سفارت خانے کے باہر ’’ایران مردہ باد‘‘ جیسے نعرے لگائے۔
یہ مظاہرے ان ویڈیوز کے بعد ہوئے جب مبینہ طور پر ایرانی سرحدی محافظوں اور ہجوم کو افغان مہاجرین کو نقصان پہنچاتے ہوئے دکھایا گیا تھا۔ البتہ اس ویڈیو کی تصدیق نہیں ہو پائی۔
ایران کی وزارت خارجہ اور کابل میں سفارت خانے نے ان ویڈیوز کو مسترد کرتے ہوئے کہا ہے کہ ان کا مقصد دونوں ممالک اور ان کے عوام کے درمیان تاریخی اور ثقافتی تعلقات کو نقصان پہنچانا ہے۔